მედიცინის სინთეზი / Synthesis of Medicine

 

თაკო ქობულაშვილი / Tako Kobulashvili
თსა-ს სტუდენტი / TMA Student

მედიცინის სინთეზი

მე ვარ თამარ ქობულაშვილი, პეტრე შოთაძის სახელობის თბილისის სამედიცინო აკადემიის მეოთხე კურსის სტუდენტი.  2023 წლის ზაფხულში კლინიკური გამოცდილების მისაღებად გაცვლითი პროგრამით ვიმყოფებოდი პოლონეთის ერთ-ერთ ყველაზე საინტერესო და მომხიბვლელ ქალაქ ლოძში.

ეს ერთ თვიანი საზაფხულო პროგრამა იყო ნაწილი არამხოლოდ პროფესიული, არამედ პიროვნული ზრდისა. ალბათ რთული წარმოსადგენია  და რთულია გადმოვცე რამდენად დიდი გავლენა იქონია ლოძში გატარებულმა პერიოდმა.

პირველად ამ ქალაქის ქუჩები საღამოს ვიხილეთ. მშვიდი და წყნარი, ინტერესსა და ერთგვარ ინტრიგას რომ იწვევს, რა გელოდება მომავალ დღეებში. კლინიკაში გატარებული ყოველი დღე სწორედ ასეთი იყო, მუდმივი მოლოდინი ახალი და საინტერესო შემთხვევის. დილის 8 საათზე, მომზადებული, სტერილური ფორმებითა და მოტივაციით შეიარაღებულები ვხვდებოდით ინტენსიური დეპარტამენტის ერთ-ერთ გამორჩეულ ექიმს, რომელიც ჩვენს კურატორად და გზამკვლევად იქცა როგორც დაწესებულებაში, ასევე ქალაქში. ამ განყოფილებაში გატარებული დღეები საინტერესო იყო არამხოლოდ პროფესიულად, არამედ ეთიკურად. პირველ რიგში ბუნებრივია ადამიანის გაცნობისას, მითუმეტეს ექიმის გაცნობისას, მის სხვასთან კომუნიკაციას აკვირდები. მიუხედავად იმისა, რომ ინტენსიურის პაციენტებთან კომუნიკაცია უმეტეს შემთხვევაში მათივე ჯანმრთელობიდან გამომდინარე შეუძლებელია, ბატონმა ანდრეიმ მასთან გატარებული დროის განმავლობაში მაინც მოახერხა და გვაჩვენა ექიმ-პაციენტის ურთიერთობის არაჩვეულებრივი ნიმუში. ის ყოველდღიურობაში აქტიურად ახერხებდა გადატვირთულ სამედიცინო პრაქტიკასთან ერთად ხაზი გაესვა ეთიკის უდიდეს მნიშვნელობაზე ექიმისა და პაციენტის ურთიერთობისას. საინტერესო იყო მისი მიდგომის სტილი, რადგანაც ის ყოველთვის მიმართული იყო, რომ პაციენტის ცხოვრების მაღალი ხარისხი შეენარჩუნებინა. ხშირად იმეორებდა ცნობილ ფრაზას, რომ ჩვენ დაავადებებს კი არა, ადამიანებს ვმკურნალობდით. კლინიკური გამოცდილების თვალსაზრისით საშუალება გვქონდა აქტიურად გავცნობოდით მწვავე პაციენტების მართვასა და მათ მენეჯმენტს. 

ასევე არაჩვეულებრივი გამოცდილება მივიღეთ ქირურგიისა და ანესთეზიოლოგიის დეპარტამენტში, სადაც ექიმები  ყოველდღიურად არაერთ საინტერესო და იშვიათ პროცედურაზე დასწრების  საშუალებას გვაძლევდნენ. ანესთეზიოლოგები საშუალებას გვაძლევდნენ ჩართულები ვყოფილიყავით პაციენტის პრეოპერაციულ მომზადებაში და უშუალოდ ოპერაციის პროცესშიც მიგვეღო მონაწილეობა. ამ პერიოდის განმავლობაში, კიდევ რამდენიმე დეპარტამენტი მოვინახულეთ, მათ შორის იყო კარდიოლოგია. ექიმი გვიზარებდა პაციენტების საინტერესო ქეისებს, საშუალებას გვაძლევდა დავსწრებოდით როგორც დიდ ოპერაციებს, ასევე სტანდარტულ, შედარებით ნონინვაზიურ პროცედურებს.


ამ საინტერესო გზაზე საუბრისას, აუცილებელია ხაზი გავუსვა ადგილობრივ კულტურასა და არქიტექტურას. პოლონეთში ყოფნის პერიოდში, საშუალება მოგვეცვა გვემოგზაურა და დაგვეთვალიერებინა სხვადასხვა ქალაქი, გავცნობოდით მათ კულტურასა და ადათ-წესებს. გავიცანით საინტერესო ადამიანები, მოვისმინეთ ისტორიას შემორჩენილი პოლონური ბალადები და ლეგენდები. შეუძლებელი იყო, გევლო ამ ქუჩებში, გასცნობოდი ამ კულტურას და კიდევ უფრო მეტად არ გაგეაზრებინა თითოეული ადამიანის სიცოცხლის ფასი და მშვენიერება.

მედიცინისა და კულტურის ასეთმა საოცარმა სინთეზმა ნამდვილად წარუშლელი კვალი დატოვა, ჩემი, როგორც მომავალი ექიმის პიროვნებაზე.



 

Synthesis of Medicine

 
I am Tamar Kobulashvili, a fourth-year student at Petre Shotadze Tbilisi Medical Academy. In the summer of 2023, I had the great opportunity to visit Lodz, one of the most fascinating cities in Poland, on an exchange program for clinical experience.
 
This one-month summer program was part of my development not only from a professional but also from a personal point of view. It is difficult to imagine and convey the influence of the period spent in Lodz.
 
For the first time, we saw the streets of this city in the evening. Calm and quiet, causing interest and some kind of intrigue to what awaits you in the coming days. Every day spent in the clinic was just like that, seeing and discussing interesting cases. At 8 a.m., we met one of the outstanding doctors of the intensive Care Department, who became our curator and guide both in the institution and the city. The days spent in this department were interesting not only professionally but also ethically. First of all, you observe the doctor's acquaintance with his communication with others. Even though communication with intensive patients in most cases is impossible due to their health condition, during our rotation Mr. Andrey still managed and showed us an outstanding pattern of relations with the doctor-patient. He was active in his daily life, along with his overcrowded medical practice, to emphasize the immense importance of ethics in the relationship between doctor and patient. His style of approach was interesting, as it was always aimed at maintaining a high quality of life for the patient. He often repeated the famous phrase that we treated diseases, not people. In terms of clinical experience, we had the opportunity to actively get acquainted with the management of acute patients and their management.
 
We also gained extraordinary experience in the Department of Surgery and Anesthesiology, where doctors allowed us to attend many interesting and rare procedures every day. Anesthesiologists allowed us to be involved in the preoperative preparation of the patient and participate directly during the operation. During this period, we visited several more departments, among them was Cardiology. The doctor provided us with interesting cases of patients and allowed us to attend interesting operations as well as standard, relatively noninvasive procedures.  

Speaking about this interesting way, it is necessary to emphasize the local culture and architecture. During our stay in Poland, we had the opportunity to travel and visit different cities and get acquainted with their culture and customs. We got acquainted with interesting people and listened to Polish ballads and legends preserved in history. It was impossible to walk through these streets, get acquainted with this culture, and not understand the value and beauty of each person's life.
 
Such amazing synesthesia of Medicine and culture really left an indelible mark, on my personality as a future doctor.