ჩეხეთის ქრონიკები / Chronicles of Czechia

კონსტანტინე გაჩეჩილაძე / Konstantine Gachechiladze
თსა-ს სტუდენტი / TMA Student

ჩეხეთის ქრონიკები

 

მე კონსტანტინე ვარ და მინდა მოგიყვეთ ჩეხეთის ერთ ულამაზეს ქალაქ ბრნოში გატარებულ საოცარ ხუთ თვეზე, სადაც მაზარიკის უნივერსიტეტში გაცვლითი პროგრამით აღმოვჩნდი. 

ჩემთვის აწ უკვე საყვარელი ბრნო ჩამოსვლის პირველ დღეს ძალიან ქაოსური და ოდნავ საშიში ჩანდა, მაგრამ ამ პატარა და ამავე დროს ულამაზესი ქალაქის ქუჩებმა ძალიან მალევე დამამახსოვრა თავი. ბრნო ერთი შეხედვით პატარა ქალაქია. თუმცა, აქ ისტორია და თანამედროვე სამყარო ჰარმონიულად ერწყმის ერთმანეთს და უზომოდ გაყვარებს თავს. ქალაქი სრულად სტუდენტებზე და სტუდენტურ ცხოვრებაზეა მორგებული. დაწყებული მრავალი ადგილით, სადაც სტუდენტები დარჩენილ ენერგიას სასიამოვნოდ ხარჯავენ, დამთავრებული ღამის ტრანსპორტით, რომელიც უკვე ენერგია გამოცლილ სტუდენტებს მშვიდობით ჩამოარიგებს სახლებში. თუმცაღა, საკმარისი მონდომებით ბრნოს ფეხითაც დაუღალავად შემოივლი.

 

ბრნოში ბევრი რამ მოგაწონებთ თავს. მაგალითად, აქ საკმაოდ დიდი street food კულტურაა, რაც სტუდენტებს ასე ძალიან იზიდავს. შეხვდები სამზარეულოს მსოფლიოს ყველა კუთხიდან, მაგრამ ქართული სამზარეულო აკლიათ და ნამდვილად აქვთ სამუშაო ამ კუთხით. რა თქმა უნდა, ლუდი! ამაზე ვერ ვისაუბრებ. ეს უბრალოდ უნდა გამოცადოთ და სტარობრნო მის დედაქალაქში დააგემოვნოთ. 

ბრნო ევროპის ცენტრად არის მიჩნეული, ამიტომ მეზობელ ქვეყნებსა და ქალაქებში მოგზაურობა გაცილებით მარტივი და საინტერესო იყო. ვენა, პრაღა, ბრატისლავა, ბუდაპეშტი, ის იმ ქალაქების მცირედი ჩამონათვალია, სადაც ბრნოდან მიმავალი მატარებელი ძალიან მალე მიგაქროლებთ.

 

მაზარკის უნივერსიტეტში ბევრი საინტერესო გამოცდილება დავაგროვე. გავეცანი სწავლების განსხვავებულ და საინტერესო ტექნიკას. ყველაზე მეტად სიმულაციის ცენტრმა მომხიბლა, რომელიც აღჭურვილია ყველა იმ ტექნიკით, რომელსაც ჩვეულებრივ კლინიკაში შეხვდებით. აქ შეძლებ ნებისმიერი პროცედურისა თუ ოპერაციის ჩატარებას. გამომდინარე იქიდან, რომ ბრნო სტუდენტური ქალაქია, საავადმყოფოებიც მაქსიმალურად არიან გადართულნი სწავლებაზე. ამ ყველაფერს მოსახლეობაც შეგუებულია და სტუდენტების მიმართ პაციენტებს კარგი მიმღებლობა აქვთ. მახსოვს როგორ გადაგვიღო ერთ ერთმა პაციენტმა სურათი გასასინჯად შესულ სტუდენტებს, იმ სიხარულით, რომ ჩვენი განათლების მიღებაში ისიც იღებდა მონაწილეობას. ასევე, როგორც აღვნიშნე, ბრნო ევროპის ცენტრალური ქალაქია, ამიტომ აქაურ საავადმყოფოებში თავს იყრის იშვიათი დაავადებები, რომელიც მედიცინის სტუდენტებისათვის ძალიან საინტერესოა. 

გარდა მაზარკის უნივერსიტეტისა, ასევე მქონდა საშუალება მენახა მენდელის უნივერსიტეტი. გრეგორ მენდელი სწორედ რომ ბრნოში მოღვაწეობის დროს მუშაობდა მემკვიდრეობის კანონებზე. მენდელის უნივერსიტეტში კი მისი ორიგინალი ნამუშევრები ინახება, რომელთა ნახვაც ვიზიტორებისთვისაცაა შესაძლებელი.

გაცვლითი პროგრამის უდიდესი ხიბლი ახალი მეგობრები და საინტერესო ადამიანების გაცნობაა. ბრნო ძალიან ბევრი საერთაშორისო სტუდენტის მასპინძელია, რამაც საშუალება მომცა გამეცნო ხალხი მსოფლიოს სხვადასხვა წერტილიდან და ბევრი ძვირფასი მეგობარი შემეძინა. ვფიქრობ, მყარი ურთიერთობის ჩამოყალიბება მომავალ კოლეგებთან, განსაკუთრებით სხვა ქვეყნებიდან და უნივერსიტეტებიდან ძალიან მნიშვნელოვანია მომავალი ექიმისათვის. ასევე, ვერ დავივიწყებ ჩემს ქართველ ბრნოელებს, რომლებსაც სრულიად შემთხვევით და ძალიან კომიკურად გადავეყარე. მალევე გავიცანით ერთმანეთი და უეცრად ძალიან ძვირფას მეგობრებად გადაიქცნენ. ამ ადამიანებმა ბრნოში გატარებული თვეები დაუვიწყარ მოგონებებად აქციეს.

 

მაზარკის უნივერსიტეტში ხშირად ტარდება სხვადასხვა აქტივობა, ერთ-ერთი ქვეყნების პრეზენტაცია იყო, რომელშიც რა თქმა უნდა, ქართველებმაც დიდი სულისკვეთებით მივიღეთ მონაწილეობა. ავიკაპიწეთ ხელები და ვაზიარეთ სტუდენტები ქართულ გასტრონომიას. ჩვენი კულტურის გაცნობით და ქართული გემოებით კიდევ ერთხელ დავანახეთ ევროპას რომ საქართველო ძალიან სჭირდება. 

სამწუხაროდ, სამედიცინო სტუდენტებს დრო არასოდეს გვრჩება იმისათვის, რომ სვლა შევანელოთ და საკუთარ თავზე ვკონცენტრირდეთ. მაზარკის უნივერსიტეტში გაცვლითი პროგრამის სტუდენტებს შედარებით მოქნილი გრაფიკი და მეტი თავისუფალი დრო გვქონდა. ამან თითქოს და ამოსუნთქვის საშუალება მომცა. მეტი დრო მქონდა დავფიქრებულიყავი ჩემს ცხოვრებაზე, მიმეღო ახალი გამოცდილებები, გავიცანი საკუთარი თავი სხვა კუთხიდან. დავინახე ჩემი ძლიერი და სუსტი მხარეები, ვაღიარე ჩემი უარყოფითი თვისებები და ვეცადე, რაც შეიძლება ნაკლებით დავბრუნებულიყავი სახლში. უეცრად, სამყარო მხოლოდ მედიცინის წიგნები და გათენებული ღამეები აღარ იყო, ჩემი მზერა ყოველდღიურ ვალდებულებებს გასცდა და მომავალს სხვა თვალით დავუწყე ყურება.

ბრნოში გატარებული ხუთი თვე ყოველთვის იქნება ჩემი ცხოვრების ერთ-ერთი მნიშვნელოვანი ეტაპი. სავსე ახალი გამოცდილებებით, მოგონებებით, გაკვეთილებითა და ადამიანებით. იმედს ვიტოვებ, კიდევ შევძლებ მსგავს პროექტებში მონაწილეობის მიღებას, რადგან ყოველი ასეთი გამოცდილების შემდეგ ვხვდები, რომ ახალი მე ძველს ბევრად სჯობია.     

 

  

Chronicles of Czechia

My name is Konstantine and I want to tell you about five beautiful months I spent at Masaryk University, in Brno, one of the most amazing cities in the Czech Republic.

On the first day of my arrival, my already beloved Brno seemed very chaotic and a little dangerous, but the streets of this small and at the same time beautiful city quickly made me remember myself.

Brno is a small city at first glance, but here history and the modern world harmoniously blend and make you fall in love immensely. The city is completely adapted to students and student life. Starting with many places where students pleasantly spend their remaining energy, ending with the night transport that safely takes exhausted students home, but with enough determination, you can tirelessly walk around Brno. 

There are a lot of things that are going to make you like it even more. For example, there is an amazing street food culture there, which attracts students a lot, you can find cuisines from all over the world, but Georgian cuisine is missing and they have work to do in this regard. And, of course, beer! I can't talk about it. You just have to try it and taste Starobrno in its capital. Brno is considered the center of Europe, so traveling to neighboring countries and cities was much easier and more interesting. Vienna, Prague, Bratislava, Budapest, that's a small list of the cities to which the train from Brno will take you in a heartbeat.

 

I had a lot of interesting experiences at Masaryk University. I got acquainted with different and modern teaching techniques. I was most fascinated by the simulation center, which is equipped with all the equipment that you can usually find in a clinic, here you can perform any procedure or operation. Since Brno is a student-oriented city, the hospitals are also focused on education as much as possible. The population is also used to all this, and the students are well-received by the patients. I remember how one of the patients took a picture of us, with the joy that he was also taking part in our education. Also, as I mentioned, Brno is the central city of Europe, so rare diseases are encountered in the hospitals here, which are very interesting for medical students.

 Other than Masaryk University I had the opportunity to visit Mendel University. It was right here, in Brno, where Gregor Mendel worked on the laws of inheritance. Luckily enough it is open for visitors and they can see his original work papers.

The biggest charm of the exchange program is meeting new friends and interesting people. Brno hosts a lot of international students, which allowed me to meet people from different parts of the world and make lots of dear friends. I can't forget my Georgian friends whom I ran into completely by chance and very comically, soon we got to know each other and suddenly they turned into very close friends. It was the memories that I made with these people that made my stay in Brno truly unforgettable. Various activities are often held at Masaryk University, one of them being the country presentation, in which, of course, we Georgians participated with great spirit, rolled up our sleeves, and shared Georgian gastronomy with the students. By getting to know our culture and Georgian flavors, we once again showed Europe that it extremely needs Georgia.

Unfortunately, we medical students never have time to slow down and concentrate on ourselves. Exchange program students at Masaryk University had a relatively flexible schedule and more free time. This gave me a chance to catch my breath. I had more time to think about my life, get new experiences, and get to know myself from another angle. I saw my strengths and weaknesses, recognized my negative behaviors, and tried to return home with as little as possible. Suddenly, the world was no longer just medicine books and sleepless nights, my gaze went beyond daily obligations and I began to look at the future with a different vision.

The five months spent in Brno will always be one of the most important chapters of my life. Full of new experiences, memories, lessons, and people. I hope that I will be able to participate in similar projects again because, after each such experience, I realize that the new me is much better than the old one.