ჩემი ცხოვრების მნიშვნელოვანი ეტაპი / An important stage of my life

 

ლიკა სარქისაშვილი / Lika Sarkisashvili

თსა-ს სტუდენტი / TMA Student

 ჩემი ცხოვრების მნიშვნელოვანი ეტაპი

მე ვარ ლიკა, თბილისის სამედიცინო აკადემიის მეხუთე კურსის სტუდენტი. ერთ სემესტრიანი გაცვლითი პროგრამით ვარ ჩეხეთში, მაზარიკის უნივერსიტეტში. მსგავსი გამოცდილება ჩემთვის პირველი არაა, პირველი კურსის ბოლოსაც მომეცა საშუალება ქვეყნის გარეთ გავცნობოდი ლიეტუვას სამედიცინო სისტემას, ახლოდან მენახა სხვადასხვა მნიშვნელოვანი პროცედურა.ეს გამოცდილება ჩემთვის, როგორც პირველკურსელისთვის ძალიან საინტერესო და ამაღელვებელი იყო. იმის მიუხედავად, რომ ის ერთი თვე ალბათ არასდროს დამავიწყდება, აქ მიღებული გამოცდილება არც შეედრება სხვა გამოცდილებებს ჩემს ცხოვრებაში. სამედიცინო უნივერსიტეტის ბოლო წლები ჩემთვის უფრო საინტერესო აღმოჩნდა, ვფიქრობ არ ვარ ამაში გამონაკლისი და მადლიერი ვარ, რომ ასეთი მნიშვნელოვანი სემესტრის გატარება მაზარიკის უნივერსიტეტში მიწევს.

ძალიან სასიამოვნო გამოცდილება მივიღე ლექტორებთან ურთიერთობით. არ შემიძლია არ აღვნიშნო მათი კეთილგანწყობა უცხოელი სტუდენტების მიმართ. დაბნეულობა და გაურკვევლობა ძალიან იშვიათად გვქონდა, რადგან მზად იყვნენ ყველა კითხვაზე პასუხი გაეცათ ან დაგვხმარებოდნენ გაურკვეველი საკითხების გარკვევაში. ასევე, დასაფასებელია ის, რომ საშუალებას გვაძლევდნენ პაციენტებთან გვქონოდა კომუნიკაცია, ბევრჯერ გავსინჯეთ და შევკრიბეთ ანამნეზი დამოუკიდებლად, რასაც შემდეგ პრეზენტაციაში ვკრებდით და წარვუდგენდით ჯგუფს. ეს საშუალებას გვაძლევდა აქტიურად ვყოფილიყავით ჩართულები სასწავლო პროცესში, იმის მიუხედავად, რომ ყოველდღიური შეფასება ან გამოკითხვა არც ერთ საგანში გვქონია. ასევე მნიშვნელოვანი დაბრკოლება უნდა ყოფილიყო ენის ბარიერი, ვგულისხმობ ჩეხურ ენას პაციენტებთან კომუნიკაციისას, თუმცა, მსგავს დისკომფორტთანაც არასდროს გვქონია შეხება, ისინი ითვალისწინებდნენ ჩვენს მდგომარეობას და გვირჩევდნენ ისეთ პაციენტებს რომლებთანაც შევძლებდით ინგლისურად საუბარს.

შთამაგონებელია მათი სიყვარული და ერთგულება საქმის მიმართ. ვინაიდან დამამთავრებელი კურსის სტუდენტები ვართ, ხშირად გვეკითხებოდნენ, თუ რომელი სფეროს არჩევას ვაპირებდით, სად ვფიქრობდით სწავლის გაგრძელებას, ასევე გვაძლევდნენ გულახდილ რჩევებს მათ სფეროებთან დაკავშირებით. ვფიქრობ, ამ დამოკიდებულებამ და მათი გამოცდილების გაზიარებამ ჩემში ბევრი დამაბნეველი გარემოება შეამცირა. დამეთანხმებით, ძალიან რთულია ისეთი ნაბიჯის გადადგმა, როცა შენი ცხოვრება ერთ მცირე მიმდინარეობას უნდა დაუკავშირო, როცა არჩევანი ასეთი მრავალფეროვანია.

საგამოცდო და შეფასების სისტემა ძალიან განსხვავებულია, რამაც ბევრი დაბნეულობა გამოიწვია ჩემში, თუმცა აქაური კოორდინატორები ძალიან ოპერატიულად გვაწვდიდნენ ინფორმაციას და გვეხმარებოდნენ პრობლემების გადაჭრაში. ვფიქრობ ქართული შეფასების სისტემა ბევრად კომფორტულია ჩემთვის, იმის მიუხედავად, რომ მაზარიკის უნივერსიტეტის სისტემას ბევრი დადებითი აქვს: უფრო ჯანსაღია, ვგულისხმობ იმას, რომ ქულით შეფასება ძალიან სტრესულია, გამოცდის ჩაბარება საგნის დამთავრებისთანავე არ გიწევს, თითოეულ საგანს აქვს პრაქტიკული და თეორიული ნაწილი, პრაქტიკისა და სალექციო ნაწილის დრო და კრედიტები გამიჯნულია, რაც ხაზს უსვამს იმას, რომ ისინი თანაბრად მნიშვნელოვანი და საინტერესოა.

საბოლოოდ, რამაც ყველაზე დიდი სიამოვნება მომანიჭა, იყო საშუალება მემოგზაურა ევროპის ბევრ ქვეყანაში. ვფიქრობ, მოგზაურობა არის ყველაზე კარგი საშუალება განათლების მიღების, გამოცდილებების დაგროვების. ვინაიდან სწავლის გრაფიკი ძალიან კომფორტული იყო, ვასწრებდით სხვადასხვა ქალაქის დათვალიერებას. ვფიქრობ, ბრნო არცერთს ჩამორჩება, რადგან არის კომფორტული, უსაფრთხო და მშვიდი ქალაქი, სეზონები ლამაზად ენაცვლება ერთმანეთს, ნამდვილად საუკეთესო გარემოა სტუდენტისთვის.

 

An important stage of my life

I am Lika, a fifth-year student at the Tbilisi Medical Academy. I am on a one-semester exchange program at Masaryk University in the Czech Republic. Such an experience is not the first for me, at the end of the first year I had the opportunity to get to know the Lithuanian medical system outside the country, and to see various important procedures up close. This experience was very interesting and exciting for me as a first-year student. Although I will probably always remember that one month, the experience here is unlike any other experience in my life. The last years of the medical university turned out to be more interesting for me, I think I am not an exception and I am grateful that I have to spend such an important semester at Masaryk University.

I had a very pleasant experience with the lecturers. I cannot fail to mention their kindness towards international students. We rarely had confusion and uncertainty, because they were ready to answer all questions or help us clarify unclear issues. Also, it is appreciated that they allowed us to communicate with the patients, we examined them many times and collected the anamnesis independently, which we collected in the next presentation and presented to the group. This allowed us to be actively involved in the learning process, even though we did not have daily assessments or surveys in any of the subjects. The language barrier should also have been an important obstacle, I mean the Czech language when communicating with patients, however, we never faced such discomfort, they took into account our situation and recommended such patients with whom we could speak in English.

It is very inspiring for their love and commitment to the work. Since we were graduate students, they often asked us what field we were going to choose, and where we were thinking of continuing our studies and gave us honest advice about their fields. I think this attitude and sharing their experiences has reduced a lot of confusion in me. Agree, it is very difficult to take such a step when you have to connect your life to one small stream when the choice is so diverse.

The assessment system is very different, which caused a lot of confusion for me, but the coordinators here were very prompt in providing information and helping us solve problems. I think the Georgian assessment system is much more comfortable for me, although the Masaryrik University system has many positives: it is healthier, I mean that grading is very stressful, you don't have to pass the exam immediately after finishing the subject, each subject has a practical and theoretical part, practical and lecture part Time and credits are separated, emphasizing that they are equally important and exciting.

Finally, what gave me the greatest pleasure was the opportunity to travel to many European countries. I think traveling is the best way to get education and experience. Since the study schedule was very comfortable, we had time to visit different cities. I think Brno is second to none because it is a comfortable, safe, and quiet city, the seasons change beautifully, and it is the best environment for a student.