სამედიცინო თავგადასავალი და პროფესიული აღმოჩენები / Medical Adventure and Professional Discoveries

Mia Metreveli - TMA student

                         

ლოძი: სამედიცინო თავგადასავალი და პროფესიული აღმოჩენები
 
გამარჯობა, მე მია მეტრეველი ვარ!
მინდა გესაუბროთ პოლონეთის ქალაქ ლოძში გატარებულ სტაჟირების ერთ თვეზე, სადაც თბილისის სამედიცინო აკადემიის დახმარებით აღმოვჩნდი.
უნივერსიტეტებთან შეთანხმებით, სტაჟირების დროდ აგვისტოს თვე შეირჩა, ხოლო ადგილად ლოძის სამედიცინო უნივერსიტეტი თავისი საუნივერსიტეტო კლინიკით. ამ შესაძლებლობით აღფრთოვანებული ვიყავი, რადგან აქ მიღებული გამოცდილებით შევძლებდი, განმევითარებინა ჩემი, როგორც მომავალი ექიმის, სამედიცინო უნარ-ჩვევები. პროექტის ფარგლებში არაერთი გამოცდილი და კვალიფიკაციური ექიმი გავიცანი, რაც დამეხმარა პროფესიული კუთხით ზრდა-განვითარებაში.

ჩემთვის შეირჩა სამი განყოფილება: ელექტროკარდიოლოგია, ორთოპედიული ქირურგია და გასტროენტეროლოგია.  თითოეულ დეპარტამენტში გავატარე ათი დღე და დარწმუნებით შემიძლია ვთქვა, რომ თითოეულ მათგანში გატარებულმა დრომ ძალიან დიდი გამოცდილება შემძინა და დამანახა ეს სფეროები სხვადასხვა კუთხით.
მინდა ორიოდე სიტყვით ვისაუბრო თითოეულ დეპარტამენტზე, ექიმებსა და იქ მიღებულ ცოდნაზე. ელექტროკარდიოლოგიაში ჩემი მენტორი იყო მიჰაუ კალოვსკი. მისგან ძალიან დიდი ცოდნა მივიღე კარდიოლოგიური და ელექტროკარდიოლოგირი დარღვევების შესახებ. დღის პირველ ნაწილს, ძირითადად, საოპერაციოში ვატარებდით, ხოლო მეორე ნაწილი ეთმობოდა ახალი პაციენტების მიღებასა და მომავალი ოპერაციების დაგეგმვას. ვნახე ისეთი ქირურგიული ჩარევები, როგორებიცაა კარდიოსტიმულატორების იმპლანტაცია, რადიოსიხშირული და კრიო აბლაცია. ასევე შევისწავლე, თუ როგორ მკურნალობენ მოციმციმე არითმიებს ელექტრული შოკის საშუალებით. ეს ყველაფერი ჩემთვის მეტად უცხო იყო, რადგან საქართველოში მსგავსი ტიპის პროცედურები იშვიათად ტარდება, შესაბამისად, ვთვლი, რომ ამ დეპარტამენტში გატარებულმა დრომ გამიღრმავა ცოდნა და გამიფართოვა თვალსაწიერი.

ორთოპედიის დეპარტამენტში ჩემი კურატორობა განყოფილების ხელმძღვანელმა და პროფესორმა, ანდრეი ბოროვსკიმ, ითავა. მას ვუწევდი ოპერაციებზე ასისტირებას და ვცდილობდი, რაც შეიძლება მეტი მესწავლა მისგან, რათა ეს ცოდნა მომავალ პრაქტიკებში გამომეყენებინა. გამორჩეული და დასამახსოვრებელი იყო ართროსკოპიის პროცედურები, რადგან მსგავსი აპარატურა არასდროს მენახა საკუთარი თვალით. ოპერაციაზე დაკვირვება და ამ პროცედურაზე ასისტირება ძალიან დიდ გამოწვევას წარმოადგენდა ჩემთვის. ვთვლი, პროფესორი ანდრეის დახმარებით ქირურგისთვის საჭირო უნარ-ჩვევები შევიძინე. ორთოპედიული განყოფილება საკმაოდ მხიარული აღმოჩნდა, იმ კუთხით, რომ ქირურგები საოპერაციოში ხელსაწყოების ხმაურის ჩახშობას მუსიკით ცდილობდნენ და ამით უფრო მყუდრო გარემოს ქმნიდნენ. საოცარ გარემოსთან ერთად, ექიმების პროფესიონალიზმი  და თბილი დამოკიდებულება მეხმარებოდა მათთან კომუნიკაციასა და მნიშვნელოვანი უნარების  შესწავლაში. ასევე პროფესორს რამდენიმე განსაკუთრებული მოგონებაც ჰქონდა საქართველოსთან დაკავშირებით, რამაც დაგვაახლოვა. მისი სახით საუკეთესო მენტორი შევიძინე.

გასტროენტეროლოგიაში გატარებული ბოლო კვირა საკმაოდ ემოციური და საინტერესო იყო, რადგან დავუახლოვდი პოლონელ ხალხს, გავიცანი მათი კულტურა, ადათები. ამ პერიოდში გავიცანი პროფესორი ანიტა გესიოროვსკა და მისი შესანიშნავი გუნდი. გუნდის თითოეული წვერი იმდენად თბილი და მეგობრული დამოკიდებულებით გამოირჩეოდა ჩემს მიმართ, რომ უფრო და უფრო მეტი დროის გატარება მინდოდა მათთან ერთად. პროფესორი მუდამ ცდილობდა პაციენტის მკურნალობაში ჩავრთულიყავი. აღსანიშნავია, რომ ამ განყოფილებაში გავეცანი ისეთ დაავადებებს, რომელთა დიაგნოზების შესახებ მხოლოდ სახელმძღვანელოებში  თუ მქონდა წაკითხული. ერთ-ერთი ყველაზე საინტერესო გამოცდილება კრონის დაავადების  მქონე პაციენტთან შეხვედრა იყო. აღსანიშნავია ისიც, რომ ჩემი მენტორის დამსახურებით, გასტროსკოპიული და კოლონოსკოპიური გამოკვლევებიც კი ჩავატარე. თეორიის პრაქტიკაში გამოყენება მართლაც, რომ გასაოცარი და ამაღელვებელი იყო.

კლინიკაში გატარებული ყოველი დღის ბოლოს მივდიოდით ქალაქის დასათვალიერებლად. ლოძი არის პოლონეთის ერთ-ერთი უძველესი ქალაქი, სადაც ყველა ქუჩას, შენობასა თუ ადგილს აქვს თავისი ისტორია. მოსახლეობა სტუმართმოყვარე და მეგობრულია, ყველა მოღიმარი სახით და თბილი გულით ხვდება უცხო ადამიანს. ეს ყოველივე კი ძალიან მნიშვნელოვანია ადამიანისთვის, რომელიც უცხო ქალაქში იმყოფება სრულიად მარტო, რაც ჩემთვის დიდ გამოწვევას წარმოადგენდა. თავდაპირველად ვშფოთავდი კიდეც, მაგრამ პოლონელი ხალხის დამოკიდებულებამ ეს ყველაფერი პირველივე დღეს გააქრო, რადგან თავს მაგრძნობინებდნენ ისე, თითქოს მშობლიურ ქვეყანაში ვიყავი. რაც შეეხება დასვენების დღეებს, პოლონეთის დედაქალაქ ვარშავაში ვატარებდი. ლოძისგან განსხვავებით ვარშავა დიდი და ხმაურიანი ქალაქია. გამოირჩევა თავისი ისტორიითა თუ არქიტექტურით. ქალაქის დიდი ნაწილი ცნობილია „ძველი ვარშავის“ სახელით, ხოლო მეორე ნახევარი - „ახალი ქალაქის“. მოდერნისტული შენობები კი ამ განსხვავების ნათელი მაგალითია.

ამრიგად, ამ სტაჟირებამ, ჩემი აზრით, მომცა პიროვნული განვითარების, მედიცინის სხვა კუთხით დანახვისა და თეორიული ცოდნის პრაქტიკაში გამოყენების შესაძლებლობა. კარიერული წინსვლისთვის ეს კიდევ ერთი წინ გადადგმული ნაბიჯია. სტაჟირებამ ძალიან ნაყოფიერი და დასამახსოვრებელი გახადა აგვისტო, რადგან გავიცანი საინტერესო ადამიანები, შევიძინე მოგონებები და დიდი გამოცდილება. ამ პროექტმა შემმატა მოტივაცია, რომ გავხდე ღირსეული ექიმი. ექიმის ცხოვრების თავგადასავლებით სავსე გზაზე სტაჟირების ეს პერიოდი ყოველთვის განსაკუთრებულად გამახსენდება.
 
 
 
 



Lodz: Medical Adventure and Professional Discoveries
 
Hello, I am Mia Metreveli!
I want to tell you about my one-month internship in the Polish city of Lodz, where I had the opportunity to attend thanks to Tbilisi Medical Academy.
August was chosen as the internship period, and the location was the Medical University of Lodz with its university clinic. I was delighted with this opportunity because I would be able to develop my medical skills as a future doctor with the experience gained here. Within the framework of the project, I met many experienced and qualified doctors, who helped me grow and develop professionally.
Three departments were selected for me: electrocardiology, orthopedic surgery, and gastroenterology. I spent ten days in each department, and I can confidently say that the time spent there gave me a lot of experience and showed me these fields from different angles.

I would like to say a few words about each department, the doctors, and the knowledge I gained there. My mentor in electrocardiology was Mihau Kalovsky. I gained a lot of knowledge about cardiological and electrocardiological disorders from him. The first part of the day was spent mainly in the operating room, while the second part was devoted to consulting new patients and planning future operations. I saw surgical interventions such as pacemaker implantation, radiofrequency, and Cryo-Ablation. I also learned how atrial fibrillation is treated with electric shock. All this was new to me since such procedures are rarely performed in Georgia, therefore, I believe that the time spent in this department deepened my knowledge and broadened my horizons.







My rotation in the Department of Orthopedics was led by the head of the department and professor, Andrei Borovsky. I assisted him in surgeries and tried to learn as much as possible from him so that I could use this knowledge in my future practice. The arthroscopy procedures were unique and memorable, as I had never seen such equipment before. Observing the surgery and assisting in this procedure was a great challenge for me. I believe that with the help of Professor Andrei, I acquired the skills necessary for a surgeon. My time in the department turned out to be quite fun, as the surgeons tried to drown out the noise of the instruments in the operating room with music, thus creating a more comfortable environment. Besides that, the professionalism and warm attitude of the doctors helped me communicate with them and learn important skills. The professor also had some special memories of Georgia, which brought us closer.

 

The last week which I spent in gastroenterology was quite emotional and interesting, because I got closer to the Polish people, and got to know their culture and customs. During this period, I met Professor Anita Gesiorovska and her wonderful team. Each member of the team was so warm and friendly towards me that I wanted to spend more and more time with them. The professor always tried to get me involved in the treatment of the patient, moreover, I got acquainted with diseases I had only read about in textbooks, one of which was a patient with Crohn’s Disease, which was one of the most interesting experiences I had. It is also worth noting that, thanks to my mentor, I even conducted gastroscopic and colonoscopic examinations as it gave me the chance to put the theory into practice which was truly amazing and exciting. At the end of each day spent in the clinic, we went to explore the city.




Lodz is one of the oldest cities in Poland, where every street, building, or place has its history. The people were hospitable and friendly, everyone greeted strangers with a smile and a warm heart. All of this is very important for a person who is completely alone in a foreign city, which was a big challenge for me. At first, I was even worried, but the attitude of the Polish people changed all this for me on the first day because they made me feel as if I was in my native country. As for my days off, I spent my days in Warsaw, the capital of Poland. Unlike Lodz, Warsaw is a large and noisy city and it is distinguished by its history and architecture. A large part of the city is known as “Old Warsaw”, and the other half is known as “New City”, the contrast of the old and modern buildings is a clear example of this difference.

Thus, this internship, in my opinion, gave me the opportunity to develop personally, to see medicine from a different perspective, and to apply theoretical knowledge in practice. This is another step forward in my career. The internship made August very fruitful and memorable, as I met interesting people, gained memories, and gained great experience, which increased my motivation to become a worthy doctor. I will always remember this internship period as a special one on the adventurous path of a future doctor's life.