თსა-ს ბლოგი • TMA Blog

  დიანა მამულაძე / Diana Mamuladze თსა-ს სტუდენტი / TMA Student სამედიცინო თავგადასავალი თურქეთში  გამარჯობა, მე დიანა მამულაძე ვარ, თბილისის სამედიცინო აკადემიის მესამე კურსის სტუდენტი. გაცვლითი პროგრამის ფარგლებში ვიმყოფებოდი თურქეთში, ქალაქ ერზურუმში ქემალ ათათურქის სახელობის საუნივერსიტეტო კვლევით ჰოსპიტალში და მინდა გაგიზიაროთ გამოცდილება, რომელიც ჩემთვის, როგორც სტუდენტისთვის ძალიან მნიშვნელოვანი და ნაყოფიერი იყო.  სტაჟირების ფარგლებში ჩემს ოთხ მომავალ კოლეგასთან ერთად ვიმყოფებოდი გინეკოლოგიის დეპარტამენტში, სადაც შევძელი გავცნობოდი უამრავ საინტერესო ქეისს, გამესინჯა პაციენტები და დავსწრებოდი რამდენიმე ათეულ ოპერაციას, მათ შორის, გამეწია ასისტირება და მიმეღო პრაქტიკული გამოცდილება ქირურგიაში. ერთია, ეცნობოდე რომელიმე სინდრომს ან დაავადებას წიგნების ფურცლებზე და მეორეა ამოყო თავი საოპერაციოში, სადაც ზუსტად ამ კონდიციების მქონე პაციენტებს უტარებენ ოპერაციულ მკურნალობას. ამ დროს, ოდესღაც წაკითხული ჰიპოთეტური ქეისი კი ახლა უკვე რეალობა ხდება და შენც ამის ნაწილი ხარ. ეს ...

პაპუნა სირბილაძე / Papuna Sirbiladze თსა-ს სტუდენტი / TMA Student სწორი არჩევანი მე ვარ პაპუნა სირბილაძე, თბილისის სამედიცინო აკადემიის მეოთხე კურსის სტუდენტი. მინდა გაგიზიაროთ ჩემი გამოცდილება, რომელიც მივიღე თურქეთში, კერძოდ ქალაქ ერზურუმის ათათურქის საუნივერსიტეტო კლინიკის კარდიოლოგიის დეპარტამენტში, სადაც გაცვლითი  პროგრამით ვიმყოფებოდი.   არასოდეს დამავიწყდება პირველი შეხვედრა კლინიკის პერსონალთან. რა თქმა უნდა, იყო ღელვა, ცოტა ნერვიულობა, რომელიც გამოწვეული იყო იმით, რომ მოვხვდი სრულიად უცხო, ახალ გარემოში და ვფიქრობდი, გამართლდებოდა თუ არა ჩემი მოლოდინი. კათედრის ხელმძღვანელ პროფესორ მუჰამედ ჰაკანთან შეხვედრისთანავე დაძაბულობა უმალ  გაქრა. გამაოცა მისმა თავმდაბლობამ, ძალიან თბილად მიმიღო, დამათვალიერებინა საავადმყოფო და გამაცნო იქ მომუშავე პერსონალი: ექიმები, რეზიდენტები, ტექნიკოსები, ექთნები და ა.შ.   უნდა ითქვას, რომ სტაჟირების პირველი დღიდანვე ვგრძნობდი კლინიკის პერსონალის დადებით დამოკიდებულებას ჩემს მიმართ. ისინი მიყურებდნენ, როგორც მომავალ კოლეგას და ცდი...

გურამ გურჯიძე / Guram Gurjidze  თსა-ს სტუდენტი / TMA Student თსა-ს სტუდენტის, გურამ გურჯიძის ინტერვიუ მარფანის სინდრომით დიაგნოსტირებულ ქალთან  ცხოვრება მარფანის სინდრომთან ერთად საუბრის დასაწყისშივე მივხვდი, რომ ვესაუბრებოდი თავდაჯერებულ, ინტელექტუალურ და მამაც ადამიანს, რომელიც არა მხოლოდ საკუთარი,  არამედ სხვების ჯანმრთელობისთვისაც იბრძვის, რომ საზოგადოებაში მარფანის სინდრომის შესახებ  ცნობიერება აამაღლოს. ჩვენ სხვადასხვა საკითხზე ვისაუბრეთ, მათ შორის, რა არის მისი გატაცება და რისი კეთება უყვარს. „მიყვარს ხელოვნების ისტორიის კვლევა, კითხვა, წერა და ხატვა“ – გაგვიზიარა მან. მიუხედავად ფიზიკური სირთულეებისა, ხელოვნების ისტორიის შესწავლა კვლავაც რჩება მის ერთ-ერთ ყველაზე სასიამოვნო საქმიანობად. ჩემი მომდევნო შეკითხვა სირთულეებსა და მათი დაძლევის გზებს შეეხებოდა, რაზეც ასეთი პასუხი მივიღე:  „ძირითადად ბულინგი, ამის გადალახვა ყველაზე რთული იყო, რადგან მოზარდობის პერიოდში, ჩემი გარეგნობის გამო ხშირად დამცინოდნენ. ასევე, მიჭირს ხელების გამოყენება – ერთ ხელში ნერვული...

Mia Metreveli - TMA student                           ლოძი: სამედიცინო თავგადასავალი და პროფესიული აღმოჩენები   გამარჯობა, მე მია მეტრეველი ვარ! მინდა გესაუბროთ პოლონეთის ქალაქ ლოძში გატარებულ სტაჟირების ერთ თვეზე, სადაც თბილისის სამედიცინო აკადემიის დახმარებით აღმოვჩნდი. უნივერსიტეტებთან შეთანხმებით, სტაჟირების დროდ აგვისტოს თვე შეირჩა, ხოლო ადგილად ლოძის სამედიცინო უნივერსიტეტი თავისი საუნივერსიტეტო კლინიკით. ამ შესაძლებლობით აღფრთოვანებული ვიყავი, რადგან აქ მიღებული გამოცდილებით შევძლებდი, განმევითარებინა ჩემი, როგორც მომავალი ექიმის, სამედიცინო უნარ-ჩვევები. პროექტის ფარგლებში არაერთი გამოცდილი და კვალიფიკაციური ექიმი გავიცანი, რაც დამეხმარა პროფესიული კუთხით ზრდა-განვითარებაში. ჩემთვის შეირჩა სამი განყოფილება: ელექტროკარდიოლოგია, ორთოპედიული ქირურგია და გასტროენტეროლოგია.  თითოეულ დეპარტამენტში გავატარე ათი დღე და დარწმუნებით შემიძლია ვთქვა, რომ თითოეულ მათგანში გატარებულმა დრომ ძალიან დიდი გამოცდილება შემძ...

Nino Gagua - TMA Student ბერლინური დღეები: შთაბეჭდილებები ახალგაზრდა მკვლევართა საერთაშორისო სიმპოზიუმიდან მას შემდეგ, რაც გავიგე რომ ახალგაზრდა მკვლევართა საერთაშორისო სიმპოზიუმზე დასწრებისა და კვლევის წარდგენის საშუალება მექნებოდა, მოუთმენლად ველოდი ამ დღის დადგომას. სიმპოზიუმი ბერლინში, აკონის ჰუმანიტარულ მეცნიერებათა უნივერსიტეტში იმართებოდა, როგორც ჯანმრთელობის მსოფლიო სამიტის სატელიტი ღონისძიება.  საოცარი გამოცდილება მივიღე ამ რამდენიმე დღის განმავლობაში. შესაძლებლობა მქონდა მომესმინა მსოფლიოს სხვადასხვა ქვეყნიდან ჩამოსული ახალგაზრდებისთვის, რომლებიც გვიზიარებდნენ თავიანთ გამოცდილებასა თუ ცოდნას ჯანდაცვის სფეროში არსებული გამოწვევების შესახებ. მათთან საუბარი და კონტაქტის დამყარება ძალიან ინფორმაციული იყო, რამაც კიდევ უფრო ნათლად დამანახა სხვადასხვა გამოწვევა და ის, რომ მიუხედავად კულტურული თუ სხვა უამრავი განსხვავებისა, ძალიან ბევრი საერთო პრობლემის წინაშე დგას მსოფლიო და მსგავსი ღონისძიებები გვეხმარება ერთმანეთის გამოცდილების და ცოდნის გაზიარებით ამ პრობლემების გადაჭრის გზებ...

აპარნა პრასად / Aparna Prasad თსა-ს სტუდენტი / TMA Student სტაჟირების ნაყოფიერი დღეები რიზეში მე ვარ აპარნა პრასადი, თბილისის სამედიცინო აკადემიის მე-5 კურსის სტუდენტი. მოხარული ვარ, რომ მომეცა შესაძლებლობა, მონაწილეობა მიმეღო ზაფხულის კლინიკურ სტაჟირებაში რიზეში, გადაუდებელი მედიცინის განყოფილებაში. რიზეში გატარებული სამი კვირა ყველაზე გადამწყვეტი პერიოდი იყო, რადგან სამედიცინო სტუდენტებს შეგვეძლო გვენახა კლინიკური შემთხვევების რეალური მაგალითები, რომლებსაც წინა სემესტრებში ვსწავლობდით. პირველ დღეს, გადაუდებელი დახმარების განყოფილების უფროსმა ექიმმა, ალი ჩელიკმა განგვისაზღვრა ტრიაჟის სხვადასხვა დონე მსუბუქი შემთხვევიდან ყველაზე მწვავე პრობლემამდე. მსუბუქ შემთხვევებში იგულისხმებოდა ვირუსული გრიპი, გასტროენტერიტი, ხოლო რთულ შემთხვევებში მოიაზრებოდა სიცოცხლისთვის ყველაზე საშიში დაავადებები, როგორიცაა სპონტანური პნევმოთორაქსი, იშემიური და ჰემორაგიული ინსულტი, სისხლდენა და ა.შ.  ჩვენ შევაფასეთ პაციენტის ელექტროკარდიოგრაფია, ტომოგრაფია, მაგნიტო-რეზონანსული კვლევა, ანალიზები და დავეხმარე...

ტონი ვარგჰესე / Tony Varghese თსა-ს სტუდენტი / TMA Student მე ვარდისფერში როგორც წესი, ოქტომბერი  შემოდგომის ნარინჯისფერი ტონებით მოდის, თუმცა, წლევანდელი ოქტომბერი ვარდისფერი იყო და მეც მქონდა პატივი, ვყოფილიყავი ამ ცვლილების ნაწილი. განსაკუთრებული მადლობა ჩემს უნივერსიტეტს, თსა-ს, რომ მიჩვენა სწორი მიმართულება.  მე, როგორც ორთოპედიისა და ტრავმატოლოგიის სტუდენტური ასოციაციის ვიცე-პრეზიდენტი, ჩემი არასამთავრობო ორგანიზაციის მხარდაჭერით გავმართე პირველი ღონისძიება - “She leads!” სტუდენტების ხელმძღვანელობით, ამ ღონისძიებამ გააერთიანა ჯანდაცვის ორგანიზაციები მთელი საქართველოს მასშტაბით, რათა კიდევ ერთხელ გაესვას ხაზი ქალების როლს ჯანდაცვის სექტორში. გარდა ამისა, ვხელმძღვანელობ კამპანიებს ფსიქიკური ჯანმრთელობის მიმართულებით „Mental Health Unscripted”, ეს არის ახლადდაფუძნებული ორგანიზაცია, რომლის მიზანია საზოგადოებაში ფსიქიკური ჯანმრთელობის შესახებ ცნობიერების ამაღლება. ვარდისფერი ოქტომბრის ფარგლებში, ონკოსაზოგადოება “ჰოუფთან” ერთად მონაწილეობა მივიღე აქტივობაში სახელწოდებით “BAKE ...

  მარიამ ბექაური / Mariam Bekauri თსა-ს სტუდენტი / TMA Student თავგადასავლებით სავსე საზაფხულო სტაჟირება მე მარიამ ბექაური ვარ, თბილისის სამედიცინო აკადემიის მესამე კურსის სტუდენტი. მინდა ჩემი საინტერესო ზაფხულის შესახებ  მოკლედ მოგიყვეთ. თბილისის სამედიცინო აკადემიის საზაფხულო სტაჟირების ფარგლებში ამ ზაფხულს  საოცარი შესაძლებლობა მქონდა, გამევლო სტაჟირება ლიეტუვაში, კლაიპედას საუნივერსიტეტო საავადმყოფოში და განმევითარებინა ჩემი, როგორც მომავალი ექიმის, სამედიცინო უნარ-ჩვევები. ამ პროექტის ფარგლებში არაერთი გამოცდილი და თავისი საქმის ოსტატი ექიმი გავიცანი. იქ, სხვა კურსის სტუდენტებიც იყვნენ, რაც სტაჟირებას განსაკუთრებით საინტერესოს და დასამახსოვრებელს ხდიდა. სტაჟირების განმავლობაში, გამიმართლა და შესანიშნავი პროფესორი მყავდა, რომელიც შემდეგ ჩემი მენტორიც გახდა. მან ძალიან ბევრი რამ მასწავლა, განსაკუთრებით ენდოკრინოლოგიურ დარღვევებთან დაკავშირებით. მაქსიმალურად შევეცადე, რაც შეიძლება მეტი მესწავლა მისგან, რათა ეს ცოდნა ჩემს მომავალ პრაქტიკაში გამომეყენებინა. ეს შესანიშნავ...

საბა ზაქრაძე / Saba Zaqradze თსა-ს სტუდენტი / TMA Student ევროპული მოგონებები კლაიპედადან კლაიპედაში გატარებული ერთი თვე გახლდათ ზუსტად ისეთი, ალბათ, როგორც თითოეულ ჩვენგანს მხოლოდ ტელესერიალებში გვაქვს ნანახი. ეს გახლდათ მიქსი კლინიკური და კულტურული თავგადასავლებისა. მე საბა ზაქრაძე ვარ, თსა-ს მე-3 კურსის სტუდენტი და ჩემი ერთთვიანი სტაჟირება კლაიპედას საუნივერსიტეტო ჰოსპიტალში იყო ნამდვილად დაუვიწყარი გამოცდილება.  ტრავმატოლოგიისა და ორთოპედიის განყოფილებებში გატარებულმა დრომ მომცა უზარმაზარი ცოდნა და გამოცდილება მოწინავე ქირურგიული ტექნიკებისა და საავადმყოფოს პრაქტიკის შესახებ. ჩემი გამოცდილების ყველაზე საინტერესო ასპექტი, რობოტული ქირურგია გახლდათ, რომელიც ჯერ კიდევ არ არის გავრცელებული საქართველოში. გარდა ჩემი კლინიკური მოვალეობებისა, მე ასევე მქონდა შესაძლებლობა გამომეცადა კლაიპედას, როგორც ევროპული ქალაქის, ცხოვრება და ჩავრთულიყავი სხვადასხვა კულტურულ და რეკრეაციულ აქტივობაში. კლაიპედაში ჩასვლის მომენტიდან ჩემზე შთაბეჭდილება მოახდინა კარგად სტრუქტურირებულმა და ეფექტიანმა კლინ...